Description Details
Mai ka nupepa Hawaii mua loa o Ka Lama Hawaii o ka makahiki 1834, o keia kaao a S. N. Haleole i kakau iho ai ka moolelo mua loa i hoopaa ia ma ke ano he puke heluhelu he 220 mau aoao kona loihi i ka makahiki 1863. O ia kekahi o na moolelo he nui a lehulehu i waiho ia na kakou i hooilina e paa ai na keehina hana o keia wa e imi ana i ke o loa o ko kakou lahui i ka hone mau o ka kakou olelo me ka inana pu o ko kakou mauli hiwa. Eia ke panee nei i mua o oukou he paina hou o ka moolelo wainohia o Laieikawai, ka Olali o Paliuli i lua ole kona wahine ana a puni keia mau moku. Eia la he ala e po nei o loko o kou waihona noonoo e komo mai ai oe i loko o kahi hale pai hulu manu e halai ai ma na eheu o ka manawa i kaua mea o ka hookaau o ka olelo e hoohiolo ana i kou au manao a i kekahi wa aiwaiwa o ko Hawaii noho ana.”E lawe hoi ano i keia wahi puke uuku a e hoike ia ia ma ke ano o kona loaa ana mai. E heluhelu a e malama hoi ia ia e hoike ana i kou iini i ka naauao Hawaii me kou makaukau mau no hoi e kokua aku i ia mea i ku mau ai.”...

Excerpt Details
Hoao ia o Kahauokapaka me Malaekahana No ka olelo paa a KahauokapakaImi o Malaekahana i ke kahuna e pakele ai Hanau a huna ia o Laieikawai me LaieloheloheImi aku o Hulumaniani i ke anuenue pio o Oahu I ke kamailio ana i keia kaao, ua olelo ia ma Laie, Koolau kona wahi i hanau ai, a he mau mahoe laua: o Kahauokapaka ka makua kane, o Malaekahana ka makuahine. O Kahauokapaka nae, o ia ke alii nona na okana elua o Koolau Loa a me Koolau Poko. Aia ia ia ka mana nui ma luna o kela mau okana. I ka manawa i lawe ai o Kahauokapaka ia Malaekahana i wahine male nana (hoao), ma hope iho o ko laua hoao ana, hai mua o Kahauokapaka i kana olelo paa i mua o kana wahine, o laua wale no ma ke kaawale, oiai i loko o ko laua mau minuke oluolu, a eia ua olelo paa la, "E kuu wahine, he nani ia ua male ae nei kaua, a no laila, ke hai nei au i kuu olelo paa ia oe. I noho aku auanei kaua a i loaa ka kaua keiki, a he keiki kane, a laila, pomaikai kaua, ola na iwi i loko o ko kaua mau la elemakule a haule aku i ka make, nalo no hoi na wahi huna. Na ia keiki e nai na moku e pau ai ke loaa hoi ia kaua ke keiki mua, a he keiki kane. Aka hoi, ina he kaikamahi...

Excerpt Details
O ka Walewale hookumu honua ia; O ke kumu o ka lipo i lipo ai; O ke kumu o ka Po i po ai; O ka Lipolipo, o ka lipolipo; O ka lipo o ka La, o ka lipo o ka Po; Po wale ho—i.; Hanau ka po; Hanau Kumulipo i ka po he kane; Hanau Poele i ka po he wahine; Hanau ka Uku koakoa, hanau kana he akoakoa puka; Hanau ke Koe enuhe eli hoopuu honua; Hanau kana he Koe puka; Hanau ka Pea, ka peapea kana keikipuka; Hanau ka Weli, he weliweli kana keiki puka.; Hanau ka Ina ka Ina; Hanau kana he Halula puka; Hanau ka Hawae, o ka Wana-ku kana keiki puka; Hanau ka Haukeuke, o ka Uhalula kana keiki puka; Hanau ka Pieo, o ka Pipi kana keiki puka; Hanau ka Papaua, o ka Olepe kana keiki puka; Hanau ka Nahawele, o ka Unauna kana keiki puka; Hanau ka Makaiaulu, o ka Opihi kana keiki puka; Hanau ka Leho, o ka Puleholeko kana keiki puka; Hanau ka Naka, o ke Kupekala kana keiki puka; Hanau ka Makaloa, o ka Pupuawa kana keiki puka; Hanau ka Ole, o ka Oleole kana keiki puka; Hanau ka Pipipi, o ke Kupee kana keiki puka; Hanau Kane ia Waiololi, o ka wahine ia Waiolola.; Hanau ka Wi, o ke Kiki kana keiki puka;...

Description Details
Olelo Hoolauna He mea nui ka moolelo i na lahui a pau o ka honua nei, no ka mea, ma o ka moolelo e ola ai ka hana a me ke ano o ka noonoo ana o ka poe e noho ana ma mua. Ma ka moolelo e hoike ia ai ke ano a me ka manao o na kupuna. Ao ka moolelo i ka pono a me ka pono ole. He kokua ka moolelo i ke kukulu ana i ke kuanaike ao. O ke kuanaike ao ka mea a ke kanaka e ike ai ke nana a noonoo aku i ke ao nei. Pili no ke kuanaike ao i ke ano o ka hanai ia ana o kekahi kanaka. O ia hoi, ina ua hanai ia kahi keiki me na moolelo no ke kupueu o Maui a me ka moolelo no ke keiki aihue kaulana o Iwa, a me na moolelo Hawaii e ae, e noonoo ana o ia e like me ka Hawaii, penei: Mai ka moolelo no Maui, e ao ana o ia i ke ano kolohe a kupueu hoi i ae ia e kona lahui. E hoopili paha o ia i kana hana me ka hana a ia mee kaulana. Mai ka moolelo o Iwa, e ao ana o ia i ka manao o ka Hawaii o ia wa i ka aihue. No laila, e ike ana no paha o ia i ke ao nei ma o na maka la o ka Hawaii kahiko. He kuanaike ao Hawaii kona ma muli o kana mau moolelo i lohe ai. Ua hele a kamaaina i kekahi ano noonoo ana, o ia ka noonoo ana e like me kona poe kupuna ma mua ona. I ka ...

Excerpt Details
Ua noonoo ia no paha o Aotearoa he mahele o Pelekane, aka, ma mua o ka noho ana o ka Pakeha (ka Haole hoi) i laila, ua noho ia ia aina e ka poe Maori, he poe Polenesia. Ua pili no ka Hawaii me ka Maori. He pili no ma na mea hou e like me ke ku ana o ka poe oiwi no ka hoihoi ana i ka mana aupuni ia lakou i ola no na moomeheu o ka lahui. A he pili no ma na mea kahiko mai ka wa ma mua mai. O ka pili o na olelo elua kekahi mea e ike koke ia, oiai he mau huapalapala okoa nae ka ka olelo Maori. O ka t; ka r; ka ng; a me ka wh (e puana ia e like me ka f) kekahi o na okoa. A e like me ka olelo Hawaii, ma kahi o umi makahiki aku nei, aole i nui na manaleo i koe, ma muli no paha o ke ao kula ana ma ka olelo Pelekane wale no. Ua emi maila ka nui o ka poe olelo Maori. A no laila i ka makahiki 1982 i hookumu ia ai ke Kohanga Reo, kahi e hoopuka mau ia ka olelo oiwi o ia aina. Mai keia hana a ka Maori mai ka manao o ka hookumu ana i ka Punana Leo ma Hawaii nei, oiai ua like ke kulana o ka olelo Hawaii. O kekahi okoa nae ma waena o na kula elua, o ia hoi, ma ke Kohanga Reo, komo ke keiki i kona wa kamaiki me kona makua...

Table of Contents Details
No Polenesia: He Mahele o ka Pakipika. 1 -- No Aotearoa. 3 -- O Hatupatu laua o Kurangaituku. 5 -- Papa Wehewehe Huaolelo. 12 -- No Hawaii. 15 -- Pohakuloa. 16 -- Papa Wehewehe Huaolelo. 21 -- No Nukuhiva. 23 -- Ka Moi Wahine Putu a me na Palaoa o Nukuhiva. 25 -- Papa Wehewehe Huaolelo . 31 -- No Rapanui. 33 -- Kotetukoteurararapenui a me ka Luahine. 35 -- Papa Wehewehe Huaolelo. 39 -- No Rarotonga. 41 -- Katikatia. 42 -- Papa Wehewehe Huaolelo. 46 -- No Samoa. 47 -- O Sina a me ka Puhi. 50 -- Papa Wehewehe Huaolelo. 54 -- No Tahiti. 55 -- Teremuura, ke Alii Wahine o Aimeho. 57 -- Nonanihonihololoa. 61 -- Papa Wehewehe Huaolelo. 67 -- No Tonga. 71 -- O Toloa laua o Humu. 74 -- Papa Wehewehe Huaolelo. 79 --...

Description Details
The Hawaiian Language Reprint Series was established by the Hawaiian Historical Society to make available to students and scholars books that were printed in the Hawaiian language during the 19th and early 20th centuries. Most have long been out of print, and access to surviving editions is generally limited to libraries and private collections. We hope that making these texts accessible will foster the use and appreciation of the Hawaiian language, encourage the building of personal libraries, and raise awareness of the authors and the times in which they wrote. The title of this series, Ke Kupu Hou, offers a sense of renewed growth. The phrase could be translated many ways, including: a new genesis, a reemergence, or a fresh, new leaf. The texts chosen for reprinting embody each of these images. The objective of the Hawaiian Historical Society, founded in 1892, is to advance our knowledge and understanding of the history of Hawai'i and the Pacific Islands. To this end, the Society maintains a research library of historical documents and publications; prormotes the discovery, collection, and preservation of historical materials; pu...

Excerpt Details
I haku 'ia maila i makana ho'ohanohano no ka Mo'i David Kalakaua, 'o keia ka puke mele ho'okahi o kona 'ano i pa'i 'ia i ke au o ke Aupuni Mo'i Hawa'i. Ho'okino ihola ia, ma ke 'ano hou, i ka hana kuluma o ka haku mele 'ana no na ali'i. He 'oihana loea ka haku mele 'ana, a he hana ia. i apo nui 'ia e ka lehulehu a ma waena o ka po'e ali'i no ho'i. He loina kahiko ka hanana mele, oli a hula no ka hanohano o ke ali'i nui, a ho'omau 'ia aku ia loina i ke alo ali'i o ke Aupuni Mo'i, i loko no o ke ku'e 'ana mai a ka po'e haipule Kalikiano me ka mana'o e ho'ohiwahiwa ana na mele i na hana hewa o ke au kahiko. He hana kope keia o ka puke i pa'i 'ia i makana ho'omana'o no ka mo'i a me kekahi po'e 'aialo ma loko o 'elua pule o na hana ho'ohiwahiwa i malama 'ia no ka pihana makahiki kanalima o ka mo'i i ka makahiki 1886. He 'ehiku wale no puke kumu koe ma na waihona puke o ke ao nei....

Description Details
He mamo o Jonah Kuhio Kalanianaole na na alii nui o na mokupuni o Hawaii, Maui, Oahu, a me Kauai. Eia ma lalo nei i hoike ia ai kekahi mau mea nui ma ka mookuauhau o Kuhio i hiki ke ike ia kona pili i na alii kaulana o Hawaii nei a puni o ka wa ma mua. Ma ka aoao o ko Kuhio mookuauhau mai Maui mai, he kupuna kane kuakolu o Kekaulike no Kuhio ma ka aoao o kona makuahine. Ma muli o ka nui o na wahine a Kekaulike, ua nui pu hoi kana poe keiki kiekie o ke kulana alii, a peia i kapa ia ai o Kekaulike, o ia “ka Makua o na Alii. ” Penei ka mookuauhau o Kuhio maia Kekaulike a Kuhio ponoi: O Kekaulike laua o Kepoowaikumailani, a hanau o Kaeokulani (k). O Kaeokulani laua o Kamakahelei, a hanau o Kaumualii (k). O Kaumualii laua o Kapuaamoku, a hanau o Kinoiki Kekaulike (w). O Kinoiki Kekaulike laua o Kuhio Kalanianaole, a hanau o Kinoiki Kekaulike II (w). O Kinoiki Kekaulike II laua o David Kahalepouli Piikoi, a hanau o Jonah Kuhio Kalanianaole. Ma ka aoao o ko Kuhio mookuauhau mai Oahu a me Kauai mai, he kupuna kane kuaha o Peleioholani no Kuhio ma ka aoao o kona makuahine. Penei ka mookuauhau o Kuhio maia Peleioholani a Kuhio ponoi...

Excerpt Details
Ma ka aoao o ko Kuhio mookuauhau mai Hawaii mai, he kupuna kane kuakolu o Keawe no Kuhio ma ka aoao o kona makuahine. Penei ka mookuauhau o Kuhio maia Keawe a Kuhio ponoi: O Keawe ka makua kane o Kalanikauleleiaiwi (w). O Kalanikauleleiaiwi laua o Kanekoa, a hanau o Poomaikalani (w). O Poomaikalani laua o Elelule, a hanau o Kuhio Kalanianaole (k). O Kuhio Kalanianaole laua o Kekaulike, a hanau o Kinoiki Kekaulike II (w). O Kinoiki Kekaulike II laua o David Kahalepouli Piikoi, a hanau o Jonah Kuhio Kalanianaole. Ma ka aoao o ka makua kane o Kuhio i pili ohana ai o ia me ka moi Kalakaua me kona kaikuahine o Liliuokalani, no ka mea, o Kekahili ko Kuhio kupuna wahine, a o ko Kekahili kaikunane, o ia no o Kapaakea, ka makua kane o Kalakaua. No laila, he hoahanau o Kuhio no Kalakaua laua o Liliuokalani. O Piikoi ke kupuna kane o Kuhio ma ka aoao o kona makua kane. He pili ohana o Piikoi no Kaumualii, a ua manao ia he mau kaikuaana kaikaina paha laua, a he kaukaualii o Piikoi ma lalo o Kaumualii i ka wa i hoea mai ai na mikioneli i Hawaii nei. A i ka wa i lawe pio ia ai o Kaumualii i Maui e Liholiho, ua noi aku o Liholiho ia Kaum...

Table of Contents Details
Ka Mookuauhau o Jonah Kuhio Kalanianaole . 1 -- Kona Wa Kamalii. 4 -- Ka Hookahuli Aupuni . 6 -- Kona Haalele ana. 10 -- Kona Komo ana i Loko o ka Hana Kalaiaina. 14 -- Ka Home Lula Maoli. 17 -- Ke Kanawai Olelo Hawaii. 18 -- Ke Aupuni Kalana. 19 -- Puuloa. 20 -- Ka Hookipa ana i na Lala o ka Aha Kenekoa. 21 -- No Punana Manu. 22 -- Ka Pila Hoopulapula. 23 -- Kekahi o Kana mau Hana E ae. 29 -- Ka Hele Palanehe i ke Ao ma O. 32 -- He Mele no Kuhio. 34 -- Papa Kumole. 37 --...

Description Details
He ahahui auhau ole ka Aha Punana Leo i hookumu ia i ka makahiki 1983 no ka hoola ana i ka olelo Hawaii a me ka hookumu ana i na kula e ao ia i loko wale no o ia olelo. I ia makahiki aku, ua ku ke kula Punana Leo mua loa, ke kula hooluu olelo oiwi mua loa hoi o Amelika Hui Pu la. Ma hope o ka hoololi ia ana e ka ohana Punana Leo o kekahi kanawai o ka makahiki 1896 e papa ana i na kula olelo Hawaii, ua lawe ia ke kiina hoonaauao o ka Punana Leo, a me na keiki puka mua pu o ka papahana, i loko o na kula aupuni. Me ke kakoo nui ia e ka Aha Punana Leo, ua hiki akula ia papahana aupuni mokuaina a hiki i ka papa umikumalua. l keia wa he umikumamakahi kula kamalii Punana Leo e hanai haumana nei a e hoonui nei i ka heluna o na kula olelo Hawaii aupuni. Ua hookumu pu ia e ka Aha Punana Leo elua kula hookolohua no ka hoonaauao i loko o ka olelo Hawaii ana e malama nei me Ka Oihana Hoonaauao a me Ka Haka Ula O Keelikolani Koleke Olelo Hawaii o Ke Kulanui O Hawaii Ma Hilo. Ma lalo pu o ka Aha Punana Leo he papahana hoopuka a hoomalele haawina, he papahana kala hele kulanui, a me kekahi mau papahana e ae e kulia ana i ke ola o ka olelo Hawaii a ...

Excerpt Details
O Nawahi oe o Kalaniopuu, O ka wahi i wahi ia ai, I milo ia ai a paa pono, I halii ia ai a nani, I ka ahu popo hinano o Puna, Uhia aku i ka ahuula, Kau ia ka wahi i laila, Ua paa, ua malu, Ua malu ka wahi o Kalaniopuu, O ka wahi ia i wahi ia ai, I lawalawa ia ai, I opeope ia ai a paa, I koko ia ai a kau i luna, A lei i ka umauma, I ka ai o na makaainana e, O ka wahi kona, O ka inoa wahi kou i anei, ae....

Description Details
O ka poe Polenekia na lahui mua i noho ma na mokupuni Pakipika mai ka wa kahiko mai, ma mua loa o ka lohe iki ana o ka poe o ke ao komohana i ia wahi nei. No hea mai na lahui Polenekia Ma mua o kou noonoo pono ana i keia ninau, he mea kokua paha ka maopopo ana o kekahi mau mea e pili ana i ka Moana Pakipika a me na mokupuni ma ia moana. Pehea ka nui o kou hoomaopopo ana Hiki anei ia oe ke pane mai i keia mau ninau Pehea ka nui o ka Moana Pakipika He aha ke ano o ke aniau ma ka Pakipika Pehea la i hookumu ia ai na mokupuni o ka Pakipika O ka poe hea na kanaka e noho ana ma keia mau mokupuni O wai ka poe Eulopa i hoea mai i ka Pakipika ma ko lakou imi aina ana O wai la na mahele nui ekolu o na mokupuni o ka Pakipika...

Excerpt Details
Oi aku ka nui o ka lawe ana o ke ea mehana o ke kai i ka mau ma mua o ke ea huihui o ka aina. I ko ke ea mehana nee ana mai ke kai mai ma luna o kahi aina kiekie, ua pii koke aela ia ea. Hooluolu ia ke ea, a lilo hou ka mau i wai, a laila helelei ihola ka ua. He okoa ka nui o ka ua i helelei ma na wahi like ole o na mokupuni. He keu aku ka nui o ka ua ma na mokupuni kiekie ma mua o na mokupuni palahalaha. He ua mau ka aoao Koolau a he oi aku ma mua o ka aoao Kona. Hiki anei ia oe ke wehewehe i ke kumu o keia Ke hui pu ke ea mehana me ke ea huihui, a laila i helelei iho ai ka ua. Pii aela ke ea mehana a oluolu a laila ua ihola....

Description Details
Ma waena o na lahui kanaka a pau i hookahua ia ka nohona Kalikiano kanu ia ka anoano o ka naauao, ua punia na kihi eha o ko lakou mau aina kulaiwi me ke ala anuhea a me ke onaona liula e hiki ole ai ia lakou ke poina i ka hoomanao ana ae me ke aloha onipaa i ka inoa, na hana, a me ka moolelo o ka lakou mau kalaiaina i molia i ko lakou mau ola no ka ainahanau no ka pono a me na pomaikai o ko lakou mau hoa makaainana. Ke aui a ke alawa iki aku na maka o ko kakou mau hoomanao ana ma na paia o ke au i hala, e ike aku ana kakou i na helehelena o na kuhikuhipuuone, na loea, a me na alakai lahui o kela a me keia aina, mai ka palena hema loa o ka poepoe honua i ka welelau akau, a mai ke kukulu hikina hoi a na aekai i ke komohana, a me he la, ua hiki no ke ike ia ko lakou mau hiohiona ma muli o ke kukui lunaikehala o ka puuwai laahia o kela me keia hoa kanaka, no ka mea, He Pohakuhauoli ko Enelani, He Bisimaka hoi ko Kelemania, He Alekanadero ko Lukia, He Galibaladi ko Ikalia, He Kolomoboso ko Sepania, He Wasinetona ko Amelika, A he Nawahi hoi ko Hawaii.1 He nui wale aku no na loea o ia mau lahui a me na lahui e ae a me ka lahui Hawaii pu...

Excerpt Details
Hui makolukolu i ka houpo ka eha e E paopao ana i ka waihona wai mapuna a ke aloha e. E u ae ana au, e mamina ae ana no ia ia. Na wai hoi e ole ka makee he iwihilo no ke kuamoo, He wohi i pehia a pulu elo me na omaka Ua Kanilehua I pawehi hooipo ia a pulu elo me ka lehua o Olaa O kau no ia e ualo aku nei—hoi mai. Eia no au, ka poli o ko aloha o Hilo Hanakahi e, He oiaio—nau oe....

Table of Contents Details
Olelo Hoakaka a ka Mea Kakau. xiii -- Olelo Hoakaka a na Luna Hoopuka. xv -- Alana ia no Iosepa Kahooluhi Nawahi. xvii -- Kahooluhi. xvii -- Nawahi. xviii -- Ke Kaniuhu a na Mokupuni. xix -- Ka U a Hawaii o Keawe. xix -- Ka Leo Kaukau a na Moku o Kama. xxi -- Ka Naauaua a Kakuhihewa. xxii -- Ke Kumakena a ka Moku o Mano. xxiii -- Kona Hanau ana. 1 -- Kona Noho Kumu Kula ana. 11 -- Kona Noho Kumu Nui ana. 26 -- Kekahi mau Hana Ana i Lawelawe ai. 34 -- Kona Koho ia ana i Lunamakaainana. 39 -- Ke Kau Koho i ka Moi Lunalilo. 42 -- Holo Makaikai ana ia Kapalakiko. 44 -- Na Hale. 57 -- Ka Merchant Exchange. 60 -- Ka Lick House. 60 -- Na Makeke o Kapalakiko. 63 -- Na Hale Hana Lole. 66 -- Ka Hale Hoikeike Puke o Kapalakiko. 69 -- Na Hale Pule. 69 -- Na Pa Hoikeike o Kapalakiko. 71 -- Na Paluna Lele i ka Makani. 73 -- Ka Wehiwehi o Lone Mountains. 77 -- Holo Makaikai ia Oakalana. 78 -- Na Hiohiona o na Kaaahi i ka Po. 81 -- Na Kau Ahaolelo Ana i Noho ai. 86 -- Kekahi o Kana mau Haiolelo Kaulana. 88 -- Haiolelo Kue a ka Hon. J. Nawahi i ka Pila Aie i $1,000,000!. 88 -- Haiolelo Kue i ke Kuikahi Panai Like. 98 -- Haiolelo ma...

Description Details
No ka hoike ana i ko kakou manao ma o ka palapala, aole ana paha e nele ke kE mai o kekahi kanaka me ke koikoi ana mai e malama ia kekahi kulekele kEmau ma ka pela ana i na huaolelo Hawaii me ka okina a me ke kahako. E olelo mai paha kela e o ia ka mea e akaka ai ka manao o ia mau huaolelo ke heluhelu aku. A he manao maikai no paha kela. Eia nae, e kEe mai paha auanei ka manao o kekahi kanaka e he mea kela e paa ai kela manao a ike ole ia ai hoi kona naauao ma ke ano laula a hohonu paha. A no laila, ma kahi o ka hookaawale ana i keia mau manao e like me ko kakou manao he pololei a he hewa, e huli hou aku kakou i ka olelo a ko kakou poe kEpuna i hooili maila ma luna o kakou, a no ka mea, o ia ana ko kakou ike a mahalo hoi i ka naauao o ua mau halau la a elua....

Excerpt Details
From the moment I was born. kuualoha: Genealogically, we're all at least 2,000 years old. Kaimipono: How many ancestors does it take to make you Hawaiian One. But we forget. We think, You're Hawaiian because you do this and this. kuualoha: Or because you look a certain way. Kaimipono: What do we do to our people when we make those kinds of judgments We disin- herit them. And then we give it to people who don't have the blood at all....

Excerpt Details
In January of 1895, a nationalist rebellion broke out against the Republic of Hawaii. The rebellion was crushed in two days by Republican forces who outgunned the nationalist forces. The Queen was arrested and brought before a military tribunal. The Republic found her guilty of “misprision of treason” (branding her a traitor) and fined her $5,000 and five years of hard labor (Liliuokalani 1990 [1898]:289). Instead of hard labor though, they decided to imprison her in a corner room of Iolani Palace for eight months. The Queen later said, “My crime was that I knew my people were conspiring...to throw off the yoke of the stranger and oppressor” (278). Not being able to correspond with the outside world, the musically gifted Queen Liliuokalani sought solace during her imprisonment through music. She composed “The Queen's Prayer,” one of her most famous hymns, and dedicated it to her niece, Princess Kaiulani. In it, she asked God to forgive those who imprisoned her and let her nation be pure. But Princess Kaiulani would not get to see this hymn until after Liliu was released....

Description Details
This book is the second half of Samuel Manaiakalani Kamakau’s landmark text on the history of Kamehameha and the kingdom he established. Written in Hawaiian as a serial column over three years, it ran from October 20, 1866, to October 14, 1869, in two consecutive Hawaiian newspapers: Kuokoa and Ke Au Okoa. Publication of this portion began on February 22, 1868. Due to its length, the account has been published in two parts. Ke Kumu Aupuni1 or “The Foundation of Nationhood,” tells of Kamehameha’s birth, his rise to power and conquest of the islands, his death and that of his son and heir, Kalanikualiholiho, Kamehameha II. This book, Ke Aupuni Mo?i or “The Kingdom,” gives an account of Hawai?i under the reign of Kamehameha’s other sacred son, Kauikeaouli, Kamehameha III, a time of great formation and change. This book presents the work of Samuel Manaiakalani Kamakau as he presented it to his own people and his peers, in the language and order in which he wrote it. S. M. Kamakau has been relied upon for nearly 130 years as a singularly important historian and Hawaiian author. Material has been drawn from this and other of his wor...

Excerpt Details
Olelo Mua Mai ka moku mua ana mai o ka pawa o ke ao ma kai loa aku o ka lae o Kumukahi a ka wahi ana iho o ke kapa po lipo i na moku hapapa ma o a e o Lehua, a mai ke ki eki ena o luna loa a i ka ha aha ana o lalo iho me na ku ono like ole o ke ao akea nei, he welina ke aloha i na hoa e heluhelu mai nei i keia puke heluhelu a mo olelo kupuna a ke Kakau Mo olelo Hawai i, Samuel Manaiakalani Kamakau. O keia ka lua o na puke ma ke ka ina, a o ka hapa hope ia o ka mo olelo ana i kakau ai no ke au ia Kamehameha Na i Aupuni a me kona mau ho oilina, o Kalanikualiholiho, Kamehameha II me Kauikeaouli, Kamehameha III; o ka puke mua o Ke Kumu Aupuni.1 Na Kamakau i ho ili ili maila na hune ike me na mo olelo i waiwai ai keia mau puke, eia na e, na ka limahana o keia au i ho onohonoho hou i kana mo olelo ma ke ano i puka a e ai, no laila, me ka hiki ole ke ho oia i ka pololei loa o ia mahele hana a makou nei, noi hou a ela ka luna ho oponopono, nona iho a no na hoa hana a pau i komo pu i loko o ia pu ali limahana, e ahonui mai ka mea heluhelu ma kahi hemahema ke ike ia ihola, a mai ae i ka ake ake a ia mai o ka hoihoi a me ka nanea ma ka helu...

Description Details
Two centuries ago, when Hawaiian prophets were still honored for their insights, Kapihe was one of the most gifted. A kahuna or priest in the court of Kamehameha I and a descendant of the famed Napua line, he had prophesied the downfall of the kapu, the ancient religious system and the 1819 Battle of Kuamo?o which decided the course of modern Hawaiian history. One of Kapihe's last great prophecies may have been the one recorded in the Journal of the missionary William Ellis. Although Ellis branded him a "false prophet," he still thought enough of his calling to preserve for posterity the following prophecy: "Kapihe... informed Tamehameha that when he should die, Kuahiro would take his spirit to the sky, and accompany it to the earth again, when his body would be reanimated and youthful; that he would have his wives, and resume his government in Hawai?i; and that, at the same time, the existing generation would see and know their parents and ancestors, and all the people who had died would be restored to life."1 What did Kapihe mean? Was he referring to the literal resurrection of Kamehameha and his future return to earth, as some...

Excerpt Details
To Hawaiians of the time 1831 was not an auspicious year. Civil war was narrowly averted that year when Liliha, the popular widow of Boki, the tragic entrepreneur-chief, was dissuaded from launching an armed revolt against the Regent Kaahumanu. Now a fervent convert to Christianity, Kaahumanu imposed new ns and over the spirit. A miasmal melancholy hung listlessly over the land."...

Table of Contents Details
Acknowledgments . vii -- Prologue . ix -- Genealogical Table . xi -- 1 Hawaiian Roots . 1 -- 2 At the Chiefs' Children's School . 21 -- 3 From Courtship to Marriage . 55 -- 4 Life at Haleakala . 79 -- 5 A Captive of the Politics of Fate . 107 -- 6 Revelations of an Odyssey . 127 -- 7 The Seeds and the Corpus . 149 -- 8 Hele La O Kaiona . 167 -- Notes . 195 -- Appendix . 205 -- Bibliography . 211 -- Index . 217 --...